Säpo

Pa Sekuritaki policia

Sekuritaki policia (sekuritake raj bare) si jek organizatcia andre ande Policia kaj del protektcia e Shvedoski demokratsiako systemo, citizentonge chachimos haj o natsionalno sekurita. Kado keras te ashavas kriminal buchia karing e themesko sekurita, te malavas tele terorismo haj lishisaras e centralno zor ando Shvedo.

Ande Sekuritaki policia keren karing 1 000 buchara buchi. Maj but anda lende beshen ando Stockholm, numa a organizatcia si vi regionalne ofici ande Umeå, Uppsala, Örebro, Norrköping, Göteborg haj Malmö. Dopash anda e buchiara ande sekuritake buchiara si raj bare (polis). Von keren sar eksemplo buchi sar roditora haj lishin manushen. Si vi kaver buchiake kategori so si pa kadja organizatsia, sar analitikora, teknikora, tolmaca, ekonomora, juristuri haj administrive buchara.

E organizatciaki buchi si uladi ande pansh grupi:

  • Kontraspionage kodo znacil te arakhel pe spionazho haj kaver garudino lishimos so naj inkerdo pala zakonurja. Kado dashtil pe te boldel pe karing o Shvedo haj shvediska interesorja ande kaver thema haj karing azylantora so avile.
  • Kontraterorismo znacil te malavel pe tele haj te na mukhel pe te vazdel pe opre terorismo so boldel pe karing o Shvedo vaj kaver interesorja so si kaver themenge ando them, teroristicne buchia ande kaver thema, te vazden pe haj te inkerdjon teroristicne networkorja ando Shvedo haj te na aven kodol so den dumo khaj teroristicne buchia.
  • Författningsskydd znacil te kerel pe te na aven nasulimos karing organizatci kusa nasulmos, darajimos, koruptcia so dashtil pe te paruvel e demokraticno themeske buchiake funktci. Sekuritaki policiaki buchi si te malaven tele kodol zora so zumaven te paruven e demokraticno buchi kusa ilegalne metodi ande politicno buchiako proceso haj o phuterdo debato ando them.
  • Sekuritakiprotektcia ande Sekuritaki policia kerel pe buchi te vazdel pe e sekutiako levelo ando them. Analyzi haj rekomendatci khaj themeske organizatci, kaski buchi vazdel e themeski sekurita, sar te vazden kodol peski protektcia ande penge buchiake thana. Registrake kontroli haj dikhimos pe konkretne droma te inkrel pe e sekurita pe thana kade te inkerdjiol pe e sekurita mishto.
  • Personalnoprotektcia sa pa lishimos- haj sekuritaki buchi ande o centralno zor ando them, emperatoski familja, kana aven kaver raj ando them pe themeske viziti haj kaver oficialne viziti haj buchia kaver manushenca.

Sekuritaki policia kerel vi buchi kodolesa te na djan nasul armahaj vazdimos anda nasul arma(icke spridning). E buchi djal kade avri ke rodel pe te na avel andre ando them djanglimos, produktora vaj micro organismora andre ando them vaj avri anda them kodole manushuenge so inkren ambitioner te keraven vaj te bishaven maj dur nasul arma (massförstörelsevapen). Kadja buchi kerel pe ketanes kusa kaver themeske organizatci.

Len amenca kontakto:

Telefono: 010-568 70 00 (varikhon vazdel intrego vrama)
Fax: 010-568 70 10
E-mailo: sakerhetspolisen@sakerhetspolisen.se
Poctako adreso: Box 12312, 102 28 Stockholm
Vizitako adreso: Bolstomtavägen 2, Solna