Säpo

Sihkkarvuođa poliissa birra

Sihkkarvuođa poliisa lea poliisaeiseváldi guhte suddje Ruoŧa demokráhtalaš vuogádaga, stáhtaborgáriid friddjavuođa ja rivttiid ja našunála sihkkarvuođa. Dan mii dahkat eastima ja dovddasteami bokte rihkkumiid riikka sihkkarvuođa vuostá, vuosttildit terrorismma ja suddjet guovddáš stáhtajođiheami.

Sihkkarvuođa poliissas leat nuo 1000 mielbargi. Eatnašat sis barget Stockholmmas, muhto eiseválddis leat maid kontorat Upmis, Uppsala, Örebroas, Norrköpingas, Göteborgas ja Malmös. Badjel bealli Sihkkarvuođa poliissas leat poliissat. Sii barget ovdamearkka dihte heaggafáktan, guorahallin ja iskkadeaddjin. Eiseválddis gávdnojit maid moanat eará virgesuorggi, earret earáid  analyhtikárat, teknihkkarat, jorgaleaddjit, ruhtadoallit, juristtat, dulkkat ja hálddašeaddjit.

Doaimmaid sáhttá juohkit viđa váldoosiide:

  • ŸKontraspioneren mearkkaša cakkadit ja dovddastit spionerema ja eará lobehis diehtojuohkindoaimmaid. Dát máhttá leat Ruoŧa ja ruoŧa beroštumiid vuostá olgoriikkas ja olgoriikkalaš beroštumiid riikkas ja báhtareaddjiid vuostá.
  • Kontraterrorisma mearkkaša cakkadit ja dovddastit terrorisma mii lea Ruoŧa dahje olgoriikkalaš beroštumiid vuostá riikkas, terrorismadoaimmat eará riikkain, gaskariikkalaš terrorismafierpmádagaid suorggidemiid Ruoŧas ja terrorismadoaimmaid doarjja ja ruhttema.
  • ŸVuođđolágasuodji mearkkaša eastadit doaimmaid mat givssideami, uhkádusaid, veahkaválddi, bággema dahje korrupšuvnna bokte geahččalit váikkuhit demokráhtalaš stáhtavuogádaga doaimmaide. Sihkkarvuođa poliissa bargu lea cakkadit daid fámuid mat lobihis vuigiid bokte čuhcet dasa ahte geahččalit váikkuhit politihkalaš mearridemiide, politihkalaš mearrádusaid duohtandahkamiid ja friddja digaštallama.
  • ŸSihkarvuođasuodji sihkkarvuođa poliissas buktá mielddis garrasit sihkarvuođa dási servodagas.  Analysat ja árvalusat eiseválddiide, dat guhte barget riika sihkarvuođa váras, man láhkái galggaše lasihit sihkarvuođa ja suoji leat guovddáš bealit doaimmas. Registtardárkkisteamit ja bearráigeahčču leat eará geavatlaš vuogit nannet dan ahte suddjenveara doaimmat leat suddjejuvvon dohkálaš vugiid mielde.
  • ŸPersonsuodjái gullá vákšun- ja sihkarvuođa doaibma guovddáš stáhtajođiheddjiide, gonagasbearrašii, olgoriikkalaš stáhtaid ambássadaid miellahtuide, stáhtaid guossástallamiidda ja sullasaš dáhpáhusaide.

Sihkkarvuođa poliissa bargá maid juohkinhehttemiin, dát sisdoallá dan ahte bissehit juohkima, háhkama ja buvttadeami vearjjuid mat dagahit stuorra billisteami. Barggu váldosisdoallu lea hehttet ahte dieđut, buktagat, ávdnasat dahje mikroorgánismmat buktojuvvojit Ruŧŧii dahje golget Ruoŧa čađa dakkáriidda geain leat áigumušat háhkat dahje ovddidit vearjjuid mat dagahit stuorra billisteami dahje dakkáriid geat fievrridit daid. Dát bargu jođihuvvo lagaš oktavuođain eará eiseválddiiguin.

Váldde oktavuođa:

Telefuvdna: 010-568 70 00 (rabas birra diimmu)
Fax: 010-568 70 10
E-poasta: sakerhetspolisen@sakerhetspolisen.se
Poastačujuhus: Box 12312, 102 28 Stockholm
Čujuhus: Bolstomtavägen 2, Solna