Säpo

Sihkarvuohtapolijsa birra

Sihkarvuohtapolijssa l Polijssafábmudahka mij várjjal Svieriga demokráhtalasj vuogádagáv, viesájdiddjij friddja- ja rievtesvuodajt ja rijkalasj sihkarvuodav. Dahkap dav hiereda ja ájtsa vahágijt rijka sihkarvuohtaj, terrorismav vuostelda ja várjjala guovdásj stáhtalájddimav.

Sihkarvuohtapolijsan li bájkoj 1000 bargge. Ienemusá barggi Stockholman, valla fábmudagán li aj dajvak kontåvrå Ubbmemin, Uppsalan, Norrköpingin, Göteborgan ja Malmöan. Polijsa li sihkarvuohtapolijsa bargijs bielle. Barggi buojkulvissan häggagáhttárin, guoradallen ja sjiektjen. Edna ietjá virggekategoridja aj li åvdåstum fábmudagán, iehtjádij siegen guoradalle, teknijkkára, jårggåliddje, ekonoma, jurista, dålkå ja tjuottjodiddje.

Doajmma máhttá gájkkásattjat vidán suorgen juogeduvvat:

  • Vuosstespionássja mierkki spionásjav ja ietjá loabedis spionássjadåjmav hieredit jaájttsat. Máhttá Svieriga vuosstij ja svieriga dåjmajda ålggorijkan åledit ja ålggorijkak dåjmajda rijkan ja bádurij vuosstij.
  • Vuossteterrorissma mierkki hieredit ja ájttsat terrorismav mij ålet Svieriga vuosstij jali ålggorijkak dåjmajda rijkan, terrorisstadåjma ietjá rijkajn, rijkajgasskasasj terrorisstavärmmadagáj suorgij gávnnum Svierigin ja terrorisstadåjma doarjja ja biednigahttem.
  • Riektábiejadusvárjjo mierkki hieredit dåjmav mij doarredimij, nihtujn, vahágijn, nákkujn, jali korrupsjåvnåjn la ulmme bájnatjit demokráhtalasj stáhtaráddimvuoge dåjmajt. Sihkarvuohtapolijsa dahkamus la vuosteldit fámojt ma gähttjali dåjmadit loabedis bájnatjimev politijkalasj merustallamij, politijkalasj märrádusáj dåjmadibmáj ja friddja debáhttaj.                                                                                                                                                                                                              
  • Sihkarvuohtavárjjo Sihkarvuohtapolijsan mierkki sihkarvuohtamierev sebrudagán aledit. Guoradallama ja gåhttjoma fábmudagájda, maj dåjman la ulmme rijka sihkarvuohtaj, gåktu máhtti ietjasa sihkarvuodav ja várjov aledit li dåjma stuorra oase. Registarsujnnima ja gähttjo li ietjá konkrehtalasj vuoge nannodit várjjalahtes doajmma l várjjalum hiebalattjat.
  • Ulmusjvárjjo l váksjudim- ja sihkarvuohtabargo birra guovdásj stáhtalájddimij, gånågisáfuolkkáj, ålggorijka ambassadasebrulattjajda ja stáhtaguossidimen ja sjimugis dáhpádusájn.

Sihkarvuohtapolijssa barggá aj atomavärjo vijdedahttembuorgujn, mij mierkki vijdedimev, håhkkidimvärjoj åttjudimev ja buvtadimev hieredit. Barggo mierkki ienemusát hieredit diedo, dago, ábnnasa jali mikroorganisma doalvoduvvi Svierigis jali Svieriga milta dåjmalattjajda majn li rahtjalisvuoda håhkkidimvärjojt jali daj doalvvojt åttjudit jali joarkkaåvddånahttet. Barggo dagáduvvá lahka aktijbargon ietjá fábmudagáj.

Aktavuodav mijájn válde:

Telefåvnnå: 010-568 70 00 (bargge jánndura birán)
Fáksa: 010-568 70 10
E-påvsstå: sakerhetspolisen@sakerhetspolisen.se
Påvsståadrässa: Box 12312, 102 28 Stockholm
Manádimadrässa: Bolstomtavägen 2, Solna